Fröhjohr

von Jürgen Huwil Wahlen

Dat Fröhjohr sust mit grooten Wupp
dörn Goorn un dör de Hecken.
Un nuems hold düssen Fründ mehr op.
He hett veel to beschicken.

Dat Fröhjohr düst ook dör den Kopp
un mookt di Minschen dösig.
Bi manch Een hört dat nie mehr op,
de blievt denn jümmers bräsig.

Dat Fröhjohr strömt dör Froonslüüd wohl
wenn se in Spegel pliern.
Sei mööt denn fix partu mitmool
dree Pund an Moors verliern.

Un treckt dat Fröhjohr denn vergnöögt
de Mannslüüd dör de Lennen.
Denn droemt ook manche Deern un högt:
„Dat Fröhjahr schull nie ennen“

So weer dat Fröhjahr jümmers al
de schönste Tiet im Johr.
Und suelvens im Neandertal
hät Ötzi seggt:“ Na kloor.
De Sünn is goot för miene Knoken-
un goot för’n Höhlen -Teint.
ick kann nu buten grill’n un koken –
un mutt nich binnen rumhäng.“

Dat mit dem Fröhjohrsgrill’n is bleewen
kanns överall in März beleven.